चैत्र २३, काठमाडौ – विश्वव्यापी रुपमा फैलिएको ‘कोभिड —१९’ को जोखिम रोकथाम र नियन्त्रणमा प्रदेश नं. २ का मुख्यमन्त्री लालबाबु राउतले चिकित्सकलाई साथ दिन आग्रह गरेका छन । उनले आइतवार भिडियो सन्देशमार्फत् चिकित्सकको समस्यालाई सरकारले गम्भीरतापूर्वक लिइ समाधानका लागि प्रयास गरिरहेका वताएका छन।
मुख्यमन्त्री राउतले चिकित्सकको सुरक्षामा प्रदेश सरकार कुनै कन्जुस्याइँ नगर्ने बताउँदै कोरोना भाइरस रोकथाम र नियन्त्रणमा अग्रसरताका लागि चिकित्सकलाई अनुरोध गरेका हुन । प्रदेश सरकार चिकित्सकको बीमा, पिपीइलगायतका स्वास्थ्य सामग्री सहयोग गर्न तयार रहेको जानकारी दिए । मुख्यमन्त्री राउत महामारीको कठीन समयमा प्रदेश सरकारसँग भएको साधनका स्रोत उपलब्धका साथै पारिश्रमिकमा सतप्रतिशत वृद्धिलगायत सबै थोक सहयोग गर्न तत्पर रहेकाले नडराई सरकारको अभियानमा साथ दिन आग्रह गरे।