संविधानसभाभित्र भएको तोडफोडको अध्यन गर्न समिति बनाइने

माघ ६,काठमाडौं-संविधानसभाको बैठकमा भएको क्षतिको विषयमा अध्यन गरिने भएको छ । एमाओवादी सहित मोर्चाका नेताहरुले गरेको तोडफोडका विषयमा अध्यन गर्न प्राविधिक अध्यन समिति बनाउन लागिएको छ । संविधानसभाका अध्यक्ष सुवासचन्द्र नेम्वाङले समिति बनाउने विषयमा सचिवालका अधिकारीसँग परामर्श गरिसक्नु भएको छ । संसद सचिवालयका एक अधिकारीले आज छानविन गर्न प्राविधिक समिति बन्ने र त्यसले अध्यन गर्ने जानकारी दिनुभयो । संसद सचिवालयका सहप्रवक्ता सुर्दशन कुँइकेलले माइक भाँचिएको, कुर्सी तोडफोड गरिएकाले सिस्टम नै विग्रीएको बताउनुभयो ।