श्रावण २१, पर्वत ।
पर्वत जिल्ला कारागारमा मङ्गलबार साँझ कैदी बन्दीबीच झडप हुँदा सात कैदी घाइते भएका छन् । घाइतेमध्ये एकको अवस्था गम्भीर छ ।
कारागारमा हिजो साँझ साढे ८ बजे झडप हुँदा कैदीका चौकीदार ज्ञानु पाइजा, प्रेम तामाङ, लिला खर्बुजा, आनन्द केसी, रत्न न्यौपाने, अमृत न्यौपाने र विक्रम सुवेदी घाइते भएका छन् ।
घाइतेमध्ये आनन्द केसीको अवस्था गम्भीर छ । घाइते कैदीहरूको पर्वत जिल्ला अस्पतालमा उपचार भइरहेको छ ।
घटनालगत्तै जिल्ला प्रहरी कार्यालय पर्वतबाट पुगेको प्रहरी टोलीले स्थिति नियन्त्रणमा लिएको थियो भने घाइतेलाई उपचारका लागि जिल्ला अस्पताल पुर्याएको थियो ।
खाना खाएर बसेका कैदीका दुई समूहबीच झडप भएको हो । घटनाका बारेमा थप अनुसन्धान भइरहेको छ ।