जेठ २, काठमाडौ– बंगलादेशमा डुंगा दुर्घटना हुादा सयौं मानिस मारिएको अधिकारीहरुले जनाएका छन् । हिजो दिउासो भएको दुर्घटनामा मृत्यु भएका व्यक्तीबारे एकीन तथ्यांक प्राप्त हुन सकेको छैन । राजधानी ढाकाबाट दक्षिण पश्चिम स्थित मुशीजंग जिल्लाको मेघना नदिमा कम्तीमा २ सय यात्रु बोकेको डुंगा दुर्घटनामा परेको थियो । अधिकारीहरुका अनुसार दुर्घटनामा परेका कुनै पनि यात्रुलाई सकुशल उद्धार गर्न सकिएको छैन । मुशिजंग जिल्लाका डिप्टी कमिश्नार सैफुल हसनले भने डुंगामा सवार यात्रुको संख्या ३ सय ५० भन्दा बढि रहेको हुन सक्ने अनुमान गरेका छन् । मेघना नदिबाट केहि शवहरु निकालिएको र उद्धार कार्य जारी रहेको ती अधिकारीले समाचार एजेन्सी एएफपीलाई जानकारी दिएका छन् । सन् २०१२ को मार्चमा पनि मेघना नदिमा भएको डुंगा दुर्घटनामा १ सय १२ जनाको मृत्यु भएको थियो ।
