जेठ २, काठमाडौ– तेस्रो दक्षिण एसियाली बास्केटबल च्याम्पियनसिपमा आज पनि २ वटा खेल हुने भएका छन् । त्रिपुरेश्वर स्थित राष्ट्रिय खेलकुद परिषद् राखेपको कर्भडहलमा दिउासो २ बजेपछि हुने पहिलो खेलमा नेपाल र भारत भिड्ने छन् । जारी प्रतियोगितामा भारतले विजयी यात्रा कायमै राखेको छ भने नेपाल एक खेलमा जित र एक खेलमा पराजित भएको छ । यसैगरी अपरान्ह ५ बजे श्रीलंका र माल्दिभ्स आमने सामने हुने छन् । श्रीलंका लगातार दुई खेलमा पराजित हुदा माल्दिभ्स एक खेलमा मात्रै विजयी भएको छ । हिजो भएको खेलमा भारत र बंगलादेश विजयी भएका थिए ।
