वैशाख १३, एजेन्सी–अमेरिकाले युक्रेनको पूर्वी क्षेत्रमा बढ्दो तनावका बिच पछिल्लो २४ घण्टामा रुसी सेनाको लडाकु विमान युक्रेनको हवाई सिमामा धेरै पटक प्रवेश गरेको आरोप लगाएको छ ।
अमेरिकाका एक प्रवक्ताले तनाव बढिरहेका बेला रुसले बिभिन्न समयमा हस्तक्षेप बढाईरहेको बताए ।
उता युक्रेनी अधिकारीहरुले रुस समर्थक पृथकतावादीहरुले पूर्वी शहर स्लोवियान्स्कमा अन्तराष्ट्रिय पर्यवेक्षक र युक्रेनी अधिकारीहरु बोकेको बस कब्जामा लिएको आरोप लगाएका छन् ।
ती पर्यवेक्षकहरु अर्गनाईजेशन फर सेक्युरिटी एण्ड कोअपरेशन इन युरोपसंग सम्बन्धीत छन्। युक्रेनको आन्तरिक मन्त्रालयले बसमा सवार ती पर्यवेक्षकलाई स्लोवियान्स्क शहरको एक भवनमा बन्धक बनाएर राखिएको जनाएको छ ।
