मंसिर २, काठमान्डौं– भारतसंग मैत्री फुटबल खेल खेल्नका लागि नेपाली राष्टिय फुटवल टोली आज भारत जादैछ । भारतको सिलुगढीमा हुने खेलमा भाग लिन सात जना खेलाडीसहितको टोली सिलुगढी जान लागेको हो । राष्ट्रिय टोलीका अन्य खेलाडीहरु भारतको सिक्किममा जारी गभनर्स गोल्डकप खेलका लागि भारतमै रहेकाले उनीहरु त्यहीबाट सिलिगुढी जानेछन् । टोलीमा पुलिसका जुमानउ राई, भोला सिलवाल, रविन श्रेष्ठ, रितेश थापा छन् भने आर्मीका राजु तामाङ, टंक बस्नेत, जितेन्द्र कार्की छन् । राष्ट्रिय टोलीमा अहिले थ्रीस्टारबाट ८, मनाङ र पुलिसबाट ४, आर्मीबाट ३ तथा यु १६ बाट एकजना खेलाडी समावेश गरिएको छ ।
