फागुन २३, एजेन्सी – इंग्लिस प्रिमियर लिग फुटबलमा आर्सनल र बर्नलीले १–१ बराबरी खेलेर अंक बाडेका छन् ।
शनिबार भएको खेलमा आर्सनल र बर्नलीसँग १–१ गोलको बराबरीमा रोकिएको हो । बर्नलीको मैदानमा सुरुवाती एक गोलको अग्रता जोगाउन नसक्दा आर्सनलले अंक बाड्नु परेको हो ।
खेलको छैटौं मिनेटमा पिएरे एम्रिक औबामियाङले गोल गर्दै आर्सनललाई अग्रता दिलाएका थिए । तर, खेलको ३९ औं मिनेटमा क्रिस उडले गोल गर्दै बर्नलीलाई १–१ गोलको बराबरीमा ल्याएका थिए ।
यस बराबरीसँगै आर्सनलले २७ खेलमा ३८ अंक जोडेको छ । आर्सनल लिगको दशौँ स्थानमा रहेको छ ।बर्नली ३० अंक जोडेर १५ औं स्थानमा रहेको छ ।