साउन १३, काठमाडौं – पोखराबाट काठमाडौँको लागि उडेको यति एयरलाइन्सको जहाज आकस्मिक अवतरण गरिएको छ।
इन्जिनमा समस्या आएपछि जहाज आकस्मिक अवतरण गरिएको हो।
बिहान साढे ८ बजे पोखरा विमानस्थलबाट उडेको जहाजको ६ मिनेटमा नै इन्जिन फेल भएको संकेत देखिएपछि पोखरा विमानस्थलमा नै आकस्मिक अवतरण गरिएको हो।
पौने ८ बजे उड्नुपर्ने जहाज साढे ८ बजे उडेको थियो। जहाजमा ४५ यात्रु थिए।
पोखरा(काठमाडौँको हवाई दूरी २० मिनेटको हो। उक्त जहाजमा उडेको ६ मिनेटमा इन्जिनमा समस्या आएको हो।