बैशाख ३१, काठमाडौं – कपिलवस्तुमा आज पनि थप एक जनामा कोरोनाको संक्रमण भएको पुष्टि भएको छ । यो सँगै नेपालमा कोरोना संक्रमितको संख्या २१९ पुगेको छ।
आज पछिल्लो पटक भेटिएका नयाँ संक्रमित कपिलवस्तुको कपिलवस्तु नगरपालिका ५ का २२ वर्षीय युवक हुन् । उनको स्वास्थ्य अवस्था सामान्य रहेको जनाएको छ।
यसअघि धुलिखेल अस्पतालमा गरिएको परिक्षणमा नयाँ संक्रमित भेटिएका थिए । उनी बाँके जिल्ला स्थित नेपालगंजका ३६ वर्षिय पुरुष हुन् । स्वास्थ्य तथा जनसंख्या मन्त्रालयका अनुसार हालसम्म भेटिएका सबैको स्वास्थ्य अवस्था सामान्य रहेको छ ।
नेपालमा हालसम्म ३४ जना निको भएका छन् ।