कमल न्यौपाने
पाल्पा जिल्लाको चापानीमा जन्म भई हाल रुपन्देहीको देवदहलाई आफ्नो कर्मथलो बनाइ साङगितिक क्षेत्रमा अघी बढीरहेका खेम थापा आफ्नो उज्ज्वल भबिष्यको खोजिमा छन । सानैदेखिनै गीत संगीतप्रतिको रुची र ठुलो भएसी सोही क्षेत्रमा आफु स्थापित हुने उनको सोच रहेको थियो । सोही सपना साकार गर्ने उद्देश्यले खेम थुप्रै बाधा अड्चनलाई पार गर्दै निरन्तर यो क्षेत्रमा लागि परेकाछन । बाल्यकालदेखीनै थुप्रै गीतहरु गुनगुनाउदै हिँड्ने खेमको सपना एक असल गायक बन्ने थियो । आफ्नो निरन्तरको प्रयासले मात्र नहुने,घर परिवारको अवस्था कमजोर भएकोले खेम सोचे अनुरुपले चल्न सकेनन । मध्यम परिवारमा जन्म लिएका खेम आफ्नो परिवारको स्थिती कमजोर हुनाको कारण परदेशिन पनि वाध्य भएका थिए । आफ्नो रुची नेपालमै बसेर गीत संगीतमा केही गर्ने हुँदै हुँदै पनि परदेशिन परेको नमिठो अनुभब हामीसङ साटे खेमले । आफ्नो परिवारको अवस्था सबल बनाउन र सपना पुरा गर्न भनी केही बर्ष पर्देशमा आफ्नो मेहेनत खर्चेका थिए ।
स्कुले जीवनबाट नै थुप्रै साङगितिक कार्यक्रममा आफ्नो सहभागीता जनाउन अघी पर्ने खेम धेरै कार्यक्रममा आफ्नो प्रस्तुती दिईसकेकाछन । ९ कक्षामा हुँदा देखीनै रक्तिम सांस्कृतिक परिवारमा कलाकारको रुपमा थुप्रै कार्यक्रममा खेमले सहभागीता जनाइसकेकाछन । २०६१ सालदेखी संगीतको अध्ययन समेत सुरु गरेका खेमले प्रदेशमा गएर केही बर्ष संघर्ष गरे र पुन: नेपाल आएर साङगितिक क्षेत्रमा नै अघी बढीरहेकाछन । खेमका दिनहरु संगीत सिक्दै र अरुलाई पनि संगीत सिकाउदै बित्ने गरेको छ । निकै मेहेनत पस्चात ६९ सालमा ५ वटा गीत सहितको पुर्णिमा एलबम बजारमा ल्याउन सफल भएका थिए खेम । सो एलबममा रहेका गीतले खेमलाई राम्रो सफलता दिलायो र जस्कै कारण सो क्षेत्रमा निरन्तर लागिरहेकाछन । पुर्णिमा एलबम आउनमा आफ्ना थुप्रै साथीको साथ र सहयोग रहेको बताउछन । उनी हाल काठमान्डौ स्थित ललितकला क्याम्पसमा संगीतमै स्नातक तहमा अध्ययन गर्दैछन । उनको सोच निरन्तर रुपमा सो क्षेत्रमा लाग्ने रहेकोछ । पछील्लो समय आफ्ना ति बाल्यकालमा देखेका सपनाहरु थोरै भएपनी साकार हुँदै गएको बताउछन खेम ।
आधुनिक,शास्त्रीय र गजल गीत गायनसङै संगीतमा समेत आफुलाई चिनाउन सधैंभ प्रयास गरिरहने बताउछन खेम । गायक बन्ने सपना देखेका खेमले घेरै संघर्ष गरेकाछन आजको दिनमा आउनको लागि । संगीतप्रतिको आफ्नो लगाव र साधनाका कारण खेमले आफ्नो दोस्रो एल्बम बर्बाद सार्वजनिक गरेकाछन । बर्बादमा १ गजल सहित ३ वटा गीत रहेको छ । बर्बादमा समाबेश कोही दिल दिएर बर्बाद बोलको शिर्ष गजल गीतको अडियोसँगै भिडियो समेत यतिबेला बजारमा रहेकोछ । सो गजल देवदहका श्रस्टा समर प्रकाशको रहेकोछ । कोही दिल दिएर बर्बाद बोलको शिर्ष गीतलाई यतिबेला दर्शक श्रोताले निकै मन पराएकाछन । सो गीतको भिडियो समेत उत्कृष्ट बनेको छ जस्मा नरेश वीर सिंह,मुना राना,अमृताको अभिनय रहेको छ । बर्बादमा एल्बममा कोही दिल दिएर बर्बाद,चोट धेरै हुँदो रहेछ,अनुपम सृस्टि हौ तिमी जस्ता विभिन्न गीत समाबेश छन । अन्य गीतको भिडियो केही समयमा बजारमा आउने भएकोछ । गायक थापालाई सांगीतिक यात्रामा सफलता मिलोस् भन्ने हाम्रो पनि शुभकामना ।
साङगितिक यात्रामा निकै लामो दुरी तय गरेका गायक खेम थापासँग गरिएको कुराकानी :
तपाईले संगीतलाई कसरि बुझ्नु भएको छ ?
संगीत मनिसको प्राणसँग जोडीएको हुन्छ । मेरो बुझाईमा संगीतले हर प्राणिलाई प्रभाव पारेको हुन्छ । जनावर, बोटबिरुवा लगायत अरु धेरैलाई । मान्छेलाई कुनै चोट,पिर दु:ख थकान या कुनै टेनसन होस् यो सब संगीतले मेटाउने काम गर्छ । तेस्कारण संगीतमा झुम्नुको बेग्लै आनन्द छ ।
तपाइले यो क्षेत्रमा लाग्न कस्बाट प्रेरणा पाउनुभयो,कसरी यो क्षेत्रमा लाग्नुभयो ?
सानैदेखि गीत संगीत सुन्ने गर्थे जो मेरो दिल भित्र बस्ने गर्थ्यो । गुनगुनाउने गर्थे,आनन्द लग्थ्यो । स्कुल जीवनमा साथिभाइ अनी गुरुहरुको हौसलाले अझै उर्जा थपिदियो । सायद सानैदेखिको सपना थियो तेसैले यतै मात्र ध्यान भो अनी हल्का हल्का गर्दै आज यहाँ आउन सफल भको छु । सम्पूर्णको साथ र सहयोग रहेकोछ ।
निकै मेहेनत र साथीभाइको साथले पहिलो एलबम पुर्णिमा ६९ सालमा बजारमा आउँदा कस्तो अनुभब रहयो ?
यती खुशी थिए कि म त्यो समय । म सानैदेखी गायक बन्ने सपना देख्थे जुन त्यो दिन पुरा भएको थियो तेसैले पनि मेरो खुशीको सिमा नै थिएन । साथीहरुको सहयोग पाउदा यो क्षेत्रमा एक खुड्किलो अझ माथि टेके जस्तो लाग्याथियो । अझै पनि साथीभाइको साथ र सहयोग निरन्तर छ ।
तपाईको दोश्रो एलबम बर्बाद अहिले बजारमा छ । यो कस्तो एलबम हो र के कस्ता गीत समाबेस छन नि ?
यो आधुनिक गीत तथा गजलको एलबम हो । यसमा सेन्टिमेन्टल अनी रमाइलो सबै खालको गीत समाबेश गरेको छु । बर्बादमा १ गजल सहित ३ वटा गीत रहेको छ । बिशेष त यस्मा समसामयिक बिषयलाई जोड्न खोजिएको छ । मान्छेहरु बर्बाद हुन्छन कोही दिल दिएर त कोही दिल लिएर,कोही पिएर त कोही कसैको यादमा जिएर अनी कोही मायामा डुबेर । यस्तै यस्तै भाव रहेको छ मेरो यो एलबममा । बर्बादमा एल्बममा कोही दिल दिएर बर्बाद,चोट धेरै हुँदो रहेछ,अनुपम सृस्टि हौ तिमी जस्ता विभिन्न गीत समाबेश छन । बिशेष त यो एलबम माया प्रेमकै बिषयमा रचिएको हो ।
आगामी दिनमा यो क्षेत्रमा के कसरी लाग्ने सोचमा हुनुहुन्छ ?
म एउटा संगीतको बिध्यार्थी हुँ । अहिले पनि सिक्दै छु । जहिले पनि मेरो सोच के हुन्छ भने कसरि यो क्षेत्रलाई राम्रो बनाउन सकिन्छ । कसरि हुन्छ सधैं राम्रो अनी बिल्कुल नयाँ र बेग्लै खालको प्रस्तुती दर्शक स्रोतामाझ दिने । म सधैं यस्तै काममा लागिरहनेछु । गीत गाउने र संगीत गर्ने काम अगाडी बढाउदै लैजानेछु ।
अन्तमा आफ्ना केही शब्दहरु
संगीत मेरो हृदय हो र म सधैंभ संगितको यात्रामा नै लाग्नेछु । हामी आफ्नो मौलिक्ता र आफ्नो भाषा अनी हाम्रो धर्म सन्सकृतिलाई माया गर्नुपर्छ । सधैं हाम्रो संगीतको स्तर माथि उठाउने सोच राखेर काम गर्नु पर्दछ हामीले । यो क्षेत्रको बिकास हुन सक्यो भने बल्ल हामी अघी बढ्न सक्छौ र हाम्रो पनि बिकास हुन सक्छ । तेसैले राम्रा गीत संगीतको सधैं जोगेर्ना गर्नुहोला र सधैंभ गीत संगीतलाई माया गर्नुहोला ।
गायक खेम थापाको बर्बाद एलबममा रहेको कोही दिल दिएर बर्बाद बोलको शिर्ष गीतको भिडियो हेर्न तलको बक्समा क्लिक गर्नुहोला ।