माघ १६, काठमाडौँ-काठमाडौंमा आजदेखि दोस्रो राष्ट्रिय माछा महोत्सव हुदैछ । मत्स्य पालनको विकास, समृद्ध राष्ट्रको आधार भन्ने नाराका साथ तीनदिने महोत्सव आयोजना गर्न लागिएको हो । बानेश्वरस्थित एभरेष्ट होटल अगाडिको चौरमा आयोजना हुने महोत्सवको नेपाली कांग्रेसका युवा नेता तथा सभासद गगन थापाले उद्घाटन गर्ने कार्यक्रम छ । मत्स्य विकास निर्देशनालय, नेपाल कृषि अनुसन्धान परिषदको मत्स्य अनुसन्धान महाशाखाको सहकार्यमा नेपाल मत्स्य समाज तथा नेपाल मत्स्य व्यवसायी संघले महोत्सवको आयोजना गरिएको हो । महोत्सवमा ५० वटा स्टल राखिने नेपाल मत्स्य व्यवसायी संघका अध्यक्ष तुलसी गिरीले जानकारी दिनुभयो ।
