मेसीले ११औं मिनेटमा प्रहार गरेको बल पोस्टमा लाग्दा अर्जेन्टिना अग्रता लिनबाट चुक्यो । बार्सिलोनाका सुपर स्टारले खेलअघि अर्जेन्टिनी खेलकुद दैनिक ओलेलाई अन्तर्वार्ता दिने क्रममा आफूले बार्सिलोनाबाटै करिअर नटुंग्याउने बताएका थिए ।
विश्व विजेता जर्मनीले पनि अन्तिम समयमा टोनी क्रसले गरेको गोलमा स्पेनमाथि अवे विजय पायो । पछिल्लो दुई विश्वकपका विजेताबीचको खेलमा दुवै टोली मुख्य खेलाडीबिना मैदान उत्रिँदा क्रसले समय सकिन एक मिनेट बाँकीमा विजयी गोल गरे ।
ब्राजिलले घरेलु मैदानमा सम्पन्न विश्वकपमा निराशाजनक पराजय भोगेयता लगातार छैटौं जित पायो । तर अस्ट्रियामाथि जित दर्ता गराउन ब्राजिलले ८३औं मिनेटसम्म कुर्नुप¥यो । राष्ट्रिय टोलीका नवप्रवेशी रोबर्टो फिर्मिन्होले २५ यार्डबाट गरेको कडा प्रहार गोलमा परिणत भएपछि ब्राजिलले सात मिनेट बाँकीमा २–१ को जित पक्का ग¥यो ।
विश्व फुटबलकै सबैभन्दा पुरानो अन्तर्राष्ट्रिय प्रतिस्पर्धालाई ग्लास्गोमा नवीकरण गरिँदा कप्तान वाइन रुनीको दुई गोलप्रेरित इङ्ल्यान्डले स्कटल्यान्डमाथि ३–१ को जित दर्ता गरायो । १८९२ मा दुई देशबीचको खेल अन्तर्राष्ट्रिय फुटबलमा पहिलो खेल मानिन्छ ।