एचएन्डबी बैंकले यसरी खाइदियो ग्राहकको पाँच करोड

‘स्टेटमेन्ट लिन अध्यक्ष र प्रमुख कार्यकारी अधिकृत (सिइओ) किन चाहियो ?’ उनले आक्रोश पोखे। त्यसपछि बल्लतल्ल स्टेट्मेन्ट हात लाग्यो। ‘स्टेटमेन्ट हात परेपछि त म झन्डै बेहोस भए,’ अग्रवालले त्यतिबेलाको घटना सम्झदै भने,‘बैंकले बिना जानकारी मेरो खाताबाट २ करोड ७८ लाख रुपैयाँ झिकेको रहेछ।’
त्यतिमात्र होइन, यहीबीचमा उनले आफ्नो खातामा जम्मा गरेको २ करोड रूपैयाँ पनि थिएन। त्यसको भौचर भने उनीसँग सुरक्षित थियो।अग्रवालका अनुसार स्टेटमेन्टमा आफ्नै नामका चेकबाट २०६९ असोज २८ गते एकै दिन ९ पटक गरी २ करोड २८ लाख रूपैयाँ झिकिएको देखियो। त्यसपछि कात्तिक १७ मा दुईपटक छोरा प्रसान्तको नामबाट ५० लाख रूपैयाँ झिकिएको स्टेटमेन्ट देखियो।
‘हामीले २०६९ कात्तिक ३ गते एक करोड र कात्तिक २७ गते एक करोड रूपैयाँ जम्मा गरेका थियौं,’ अग्रवालले भने,‘बैंककले नगद बुझेर भौचर पनि दियो,पछि स्टेटमेन्ट हेर्दा त्यो दुई करोड खातामा जम्मा नै गरिएको देखिएन’ अग्रवालले भने ।आजको नागरिक दैनिकमा खबर छ ।