पोखरामा गाईजात्रा महोत्सव हुने

साउन २५, पोखरा –  नेवा खल कास्की र भीमसेन टोल सुधार समिति पोखराको आयोजनामा यही साउन ३० र ३१ गते गाईजात्रा महोत्सव तथा तायःमचाः नृत्य प्रतियोगिताको आयोजना गरिने भएको छ । कार्यक्रमको पहिलो दिन विविध सांस्कृतिक कार्यक्रम र दोस्रो दिन तायाःमचाः नृत्य प्रतियोगिताको आयोजना हुनेछ ।      महोत्सवमा फुड फेस्टिबल, नेवारी संस्कृति झल्कने नृत्य, बाँसुरीबादन, लाखे नाच, घोडा नाच तथा युवालाई आकर्षित गर्न पोखरेली ब्यान्ड डिमर्चा, मौलिक धुन प्रस्तुत तथा लक्ष्य ब्यान्ड, स्क्याच ब्यान्डको प्रस्तुत गरिनेछ ।      नेवाः संस्कृति संरक्षणका लागि नयाँ पुस्तालाई सहभागी गराउने उद्देश्यले महोत्सव आयोजना गर्न लागिएको नेवाः खल कास्कीका अध्यक्ष अशोक पालिखेले बताए ।     प्रतियोगितामा २४ टोलीको सहभागिता हुने र प्रतियोगितामा प्रथम हुनेलाई रु १५ हजार, द्वितीय हुनेलाई रु १० हजार र तृतीय हुनेलाई रु पाँच हजार तथा सान्त्वना हुने दुई टोलीलाई जनही रु दुई हजार ५०० वितरण गरिनेछ ।