साउन १६, काठमाडौँ – ‘सबैका लागि आवास’ को अवधारणासहित सरकारले २० लाख आवास एकाइ तयार पार्ने योजना बनाएको छ । विपन्न वर्ग र विपन्न वर्गबाहेकका लागि आगामी १० वर्षभित्र ती घर बनाइदिने योजना सरकारले बनाएको हो ।राष्ट्रिय आवास नीति २०६८ अनुसार सहरी विकास मन्त्रालयले बनाएको योजनालाई सरकारले स्वीकृति दिइसकेको छ । योजनाअनुसार विपन्न वर्गबाहेकका लागि १६ लाख १० हजार र विपन्न वर्गका लागि तीन लाख ९० हजार आवास बनाइदिने मन्त्रालयले जनाएको अन्नपूर्ण पोस्टमा खबर छ । सहरी विकास मन्त्रालयका सहसचिव एवं प्रवत्ता सरेशप्रकाश आचार्यले योजना सरकारबाट स्वीकृत भएको जानकारी दिए । ‘सरकारबाट स्वीकृत भएपछि योजना सफल बनाउन कार्य प्रारम्भ गरेका छौं,’ सहसचिव आचार्यले भने, ‘न्यून आय भएका वर्गलाई लक्षित गर्दै योजना अघि सारेका हौं ।’
Tue, 28 March, 2023 | २०७९ चैत १४ गते 
