विषादी सेवनबाट बैतडीमा एकै परिवारका दाजु बहिनीको ज्यान गयो

साउन ८, बैतडी – अन्नबाली तथा तरकारीबालीमा हाल्ने विषादी सेवन गर्दा बैतडीमा एकै परिवारका दुई बालकको ज्यान गएको छ ।  जिल्लाको माहाकाली गाविस वडा नं. ८ पुडेलाका स्थानिय त्रिलोक सिह साउंदका ५ बर्षिय छोरा पंकज र दुई बर्षिय छोरी कलावतीको विषादी सेवनबाट मृत्यु भएको हो । खाद्यबालीमा हाल्नका लागि घरमा राखिएको विषादी दुबै दाजु र बहिनीले भटेपछि सेवन गर्दा उनीहरुको मृत्यु भएको प्रहरीको भनाई छ । आमाबुवा हिजो दिउँसो धान रोपाई गर्न खेतमा गएका वेला विषादी सेवन गरेका उनीहरुलाई स्वास्थ्य चौकी लैजादै गर्दा वाटैमा मृत्यु भएको बैतडी प्रहरी प्रमुख प्रहरी नायव उपरिक्षक राजेन्द्र प्रसाद श्रेष्ठले जानकारी दिए ।