साउन ५, काठमाडौं– उर्जामन्त्री राधा ज्ञावलीले नेपालको विकासको मेरुदण्ड उर्जा भएकाले अब यसमा कसैले पनि राजनीति गर्नु नहुने बताएकी छिन् । उर्जाको विकास बिना नेपालको कुनै पनि विकास सम्भव नभएको भन्दै मन्त्रि ज्ञावालीले अब नेपालले छिट्टै भारतसँग विद्युत व्यापार सम्झौता गर्ने जानकारी दिएकी छिन् । नेपाल जलस्रोतमा दोस्रो धनि देश भएर पनि त्यसमा फड्को मार्न नसकेको उनको भनाई छ । मन्त्रि ज्ञावाली भारतीय प्रधानमन्त्री नरेन्द्र मोदी नेपाल भ्रमणमा आउनु अघि नै भारतसंग विद्युत व्यापार सम्झौता भैसक्ने दाबी गरेकी छिन् । रिपोर्टर्स क्लब नेपालले आज आयोजना गरेको साक्षात्कारमा बोल्दै उर्जामन्त्री ज्ञवालीले प्रधानमन्त्री सुशील कोइराला अमेरिकाबाट फकिर्ए लगतै भारतसंग त्यस्तो सम्झैता हुने बताएकी हुन । मोदीको छिट्टै हुने नेपालका क्रममा महाकाली सम्झौता अन्र्तगतको पञ्चेश्वर परियोजना कार्यान्वयनबारे हस्तक्षर हुने समेत जानकारी दिएकी छिन् । मन्त्री ज्ञावलीले भारतले हालै पठाएको विद्युत व्यापार सम्झौताको मस्यौदा सकारात्मक रहेको र त्यो नेपालको हितमा रहेर सम्झौता गरिने बताइन् । मन्त्रि ज्ञावालीले उर्जाको बिषयमा भारतसँग मात्रै नभएर अन्य देशसंग पनि ब्यापार सम्झैता गर्नुपर्ने बताईन ।
