शहर छोडेर सुरक्षित स्थान तर्फ लाग्न गाजावासीलाई आदेश

असार ३२, काठमाडौ–  इजरायल र प्यालेष्टाईनबिच जारी द्वन्द्व अन्त्यका लागि अन्तराष्ट्रिय जगतबाट पहल भैरहेका बेला इजरायलले भने पूर्वी र उत्तरी गाजा क्षेत्रका हजारौं बासिन्दालाई शहर छोडेर सुरक्षित स्थान तर्फ लाग्न आदेश दिएको छ । इजरायलले बिद्रोही संगठन हमासबिरुद्ध कार्वाही कडा पार्न लागिएको बताउादै स्थानीयलाई घर छोड्न निर्देशन दिएको हो । मंगलबार मात्रै इजिप्टले युद्धबिराम गरी राजनीतिक सहमति खोज्न दुई पक्षलाई आग्रहसहित चिठ्ठी पठाएको थियो । प्यालेष्टाइनका अधिकारीहरुले आाफुहरु पनि राजनीतिक समाधान खोज्न तयार रहेको यद्यपी एक तर्फी रुपमा युद्ध नरोक्ने प्रतिक्रिया पठाएको बिबिसीले जनाएको छ । इजरायलले हमासले रकेट आक्रमण रोके आाफुले हवाई आक्रमण रोक्ने जनाएको छ । विश्भरबाट युद्ध रोक्न दबाब आएपनि आज बिहानैबाट दुबै पक्षले आक्रमण तिब्र पारेका छन् ।