जेठ ३१, काठमाडौ– इराकमा सुन्नी चरमपन्थी मुस्लिम संगठनका लडाकुहरुले बिभिन्न शहरहरु कब्जा गर्न थालेपछि त्यहाका सबैभन्दा बरिष्ठ शिया धर्मगुरुले आफ्ना नागरिकलाई हतियार उठाउन अपिल गरेका छन् । देशका बिभिन्न शहर सुन्नी चरम्पन्थीको कब्जामा गएपछि त्यहा रहेका शिया मुस्लिमहरुका मुख्य धर्मगुरु आयतुल्लाह अली अल सिस्तानीले देश बचाउनका लागि भन्दै एक प्रतिनिधिमार्फत आफ्ना अनुयायीहरुलाई हतियार उठान अपिल गरेका हुन् । सुन्नी चरमपन्थीले राजधानी बग्दाद पनि कब्जा गर्ने धम्की दिएको छ । उसले राजधानी बाहेक मोसुल लगायतका ठूला शहरहरु आफ्नो कब्जामा गईसकेकाले अब देशमा सुन्नी मुस्लिम शासन लगाउने दावी गर्दै आएको छ । यसैबिच संयुक्त राष्ट्र संघको शरणार्थी सम्बन्धी एजेन्सी युएनएचसीआरका अनुसार पछिल्ला केहिदिन भित्र इराकबाट करिब ३ लाख नागरिक विस्थापित भएका छन् । तर राष्ट्र संघका एक अधिकारीले भने राजधानी बग्दाद तत्कालै बिद्रोहीको कब्जामा जाने खतरालाई भनि इन्कार गरेका छन् । एजेन्सी
Fri, 22 September, 2023 | २०८० असोज ५ गते 
