जेठ ३१, काठमाडौ– अफगानिस्तानमा आज दोस्रो चरणको राष्ट्रपतीय निर्वाचन हुने भएको छ । यस अघि गत ६ अप्रिलमा भएको राष्ट्रपतीय निर्वाचनमा कुनै पनि उम्मेदवारले ५० प्रतिशत मत प्राप्त नगरेपछि दोस्रो चरणमा आज पुन: मतदान हुने भएको हो । आजको मतदानमा यसअघि भएको चुनावमा सबैभन्दा अगाडी रहेका दुई उम्मेदवार अब्दुल्ला अब्दुल्ला र अशरफ गनीलाई मात्रै मतदान गरिनेछ । यस अघि भएको मतदानमा पूर्व विदेशमन्त्री रहेका अब्दुल्ला अबदुल्लालाई ४४ दशमलब ९ प्रतिशत मत प्राप्त भएको थियो भने पूर्व अर्थमन्त्री तथा अर्थविज्ञ अशरफ गनीलाई ३१ दशमलब ५ प्रतिशत मत प्राप्त भएको थियो । अधिकारीहरुका अनुसार आज निर्वाचन सम्पन्न भएपछि आगामी दुई जुलाईमा प्रारम्भीक नतिजा सार्वजनिक हुने छ भने २२ जुलाईसम्ममा मात्र राष्ट्रपति बारे अन्तिम छिनोफानो लाग्नेछ । अफगानिस्तानका बिभिन्न दुर्गम र निकै पछि परेका क्षेत्रबाट मत पेटिका राजधानी काबुल ल्याउन समय लाग्ने भएकाले नतिजा सार्वजनिक हुन समय लाग्ने अधिकारीहरुले जनाएका छन् । यस अघि सम्पन्न चुनावमा कर्मचारीबाट धाादली भएको भन्दै त्यहााको स्वतन्त्र निर्वाचन आयोगले आफ्ना पााच हजार कर्मचारी बर्खास्त गरेको थियो । एजेन्सी
