जेठ २०, एजेन्सी–स्पेनका राजा हुआन कार्लोसले स्वेच्छाले सिंहासन छोड्ने भएका छन् । त्यहााका प्रधानमन्त्री मारियानो राजोयले राजा कार्लोसले स्वेच्छाले पद छोड्ने फैसला गरेको बताएका छन् । ७६ वर्षीय राजा कार्लोस सन् १९७५ देखि सिंहासनमा छन् । उनले तानाशाह फ्रान्सिस्को फ्रैंकको मृत्युपछि सत्ता हातमा लिएका थिए । राजा कार्लोसले सिंहासन छोडेपछि ४५ वर्षीय युवराज फिलिप राजगद्दीमा बस्नेछन् । लामो समयसम्म गद्दीमा बसेका राजा कार्लोस संसारका सबैभन्दा लोकप्रिय राजा हुन् । तर, पछिल्लो समय उनीविरुद्ध असन्तुष्टी बढ्न थालेपछि उनले स्वेच्छाले गद्धी त्याग गर्न लागेको प्रधानमन्त्री राजोयले बताएका छन् । राजा कार्लोसकी छोरी दामादलाई भ्रष्टाचारको आरोप लागेपछि राजामाथि पनि प्रश्न चिह्न उठ्न थालेको थियो ।
Wed, 07 June, 2023 | २०८० जेठ २४ गते 
