तीन जनाद्धारा पेट्रोल पम्पमा लुटपाट

जेठ १९, काठमाडौ– हतियारधारी समुहले गए राती रौतहटको बसबिट्टी जिगडियामा रहेको शिबानी पेट्रोल पम्पमा लुटपाट गरेका छन् । मोटरसाईकलमा आएका तीन जनाको समुहले बसबिट्टी जिगडिया गाविस–४मा रहेको शिवानी पेट्रोल पम्प बाट १ लाख ७५ हजार लुटेर भागेको ईलाका प्रहरी कार्यालय गरुडाले जनाएको छ । पेट्रोल पम्पमा कार्यरत श्रीराम यादब लाई कुटपिट गर्दै दिनभरी बिक्री भएको ईन्धनको रकम लुटेराहरुले लगेका हुन । लुटेराहरुको खोजी भैरहेको जिल्ला प्रहरी कार्यालय रौतहटले जनाएको छ ।