जेठ ६, काठमाडौ–निजी विद्यालयले गरेको शुल्कवृद्धि फिर्ता गर्न माग राख्दै अखिल क्रान्तिकारी विद्यार्थी सङ्गठनले शैक्षिक संस्थाको लेखा शाखामा वैशाख २६ गतेदेखि लगाएको ताला अझै खुल्न सकेको छैन ।
निजी विद्यालयहरूले मापदण्डविपरीत विद्यार्थीबाट शुल्क असुलेको भन्दै अखिल क्रान्तिकारी विद्यार्थी सङ्गठनले शुल्क वृद्धी फिर्ता गराउन ताला लगाएको हो । ताला खुलाउने विषयमा आज वार्ता हुने भनिए पनि प्याब्सनले वार्ताका लागि नबोलाएको अखिल (क्रान्तिकारी)का कोषाध्यक्ष लालबहादुर तामाङले जानकारी दिनुभयो ।
अखिल क्रान्तिकारीले माग पूरा नहुदासम्म ताला नखोल्ने बताउदै आएको छ । काठमाडौाका १ सय, ललितपुरका ५० र भक्तपुरका १५ विद्यालयका लेखा शाखामा ताला लगाइएको छ ।