मनाङमस्र्याङ्दी क्लब मंगोलिया जादै

वैशाख १५, काठमाडौ– ए डिभिजन लिग च्याम्पियन मनाङमस्र्याङ्दी क्लब एएफसी प्रेसिडेन्ड कप छनौट प्रतियोगिताका लागि आज मंगोलिया जाने भएको छ । आगामी बिहिबार हुने छनौट प्रतियोगिता खेल्न मनाङ आज त्यसतर्फ जान लागेको हो । प्रेसिडेन्ट कपको छनौट चरणको समूह सी मा रहेको मनाङले पहिलो खेल आगामी शनिबार कम्बोडियाको सभरिङसंग खेल्नेछ । दोस्रो खेल आयोजक मंगोलियाको इरचिम क्लबसंग खेल्नेछ । समूहको पहिलो खेलमा आगामी बिहिबार सभरिङ र इरचिमबिच प्रतिष्पर्धा हुनेछ । इरचिम आठ पटक मंगोलियन लिग जितेको क्लब हो । एएफसी प्रेसिडेन्ट कममा मनाङको यो दोस्रो सहभागिता हो । यस अघि नेपालको लिग च्याम्पियनका रुपमा मनाङले सन् २००६ मा सहभागिता जनाएको थियो ।