एक बालकको ‘रह’मा डुबेर मृत्यु

चैत्र २७, नुवाकोट–नुवाकोटको सुनखानी गााउ विकास समितिको वडा नम्बर ६ मा पौडी खेल्ने क्रममा एक बालकको डुबेर ज्यान गएकोछ । वडा नम्बर ६ का ८ वर्षीय बालक प्रविण पाण्डे लिखु खोलामा पौडी खेल्ने क्रममा मंगलवार सााझ मृत्यु भएको हो । अन्य दुई जनासाथीहरुसंग पौडी खेल्न गएको समयमा खोलाको ‘रह’मा डुब्दा पाण्डेको घटनास्थलमा नै मृत्यु भएको प्रहरीचौकी छहरेका प्रहरी सहायक निरीक्षक मुक्तिनारायण चौधरीले जानकारी दिनुभएको छ । मंगलवार नै बालको मृत्यु भएपनि प्रहरी चौकी छहरेबाट गएको प्रहरीले रातभर शव कुरेर विहिवार मात्र कारबाही प्रक्रिया अगाडी बढाएको उहााले बताउनुभएको छ । खोलामा डुबेर ज्यान गुमाउने बालक काठमाडौमा कक्षा तीनमा अध्ययनरत रहेको र अहिले परीक्षा दिएर बिदाको समयमा घरमा आएका थिए । नदीमा डुबेर ज्यान गुमाउने बालकका बुबा युवराज पाण्डे कारगारमा बन्दी जीवन बिताउदै आएका छन् । बालकको शव पोष्टमार्टमको लागि आज अपरान्ह जिल्ला अस्पताल त्रिशुलीमा ल्याइएको प्रहरी सहायक निरीक्षक चौधरीले जानकारी दिनुभएको छ ।