चैत २६, काठमाण्डौ–पर्यटक बसको ठक्करबाट राजधानिको सितापाईलामा १ पैदलयात्रीको मृत्यु भएको छ । बसको ठक्करबाट गम्भीर घाइते ५५ बर्षीय जनक कार्कीको उपचारको क्रममा ग्राण्डी अस्पतालमा गएराति मृत्यु भएको हो । बा १ प ६८३ नम्बरको पर्यटक बसले पैदलयात्री कार्कीलाई ठक्कर दिएको प्रहरीले जनाएको छ । उता बााकेको बानियाबारमा जिपले ठक्कर दिंदा १ जनाको मृत्यु भएको छ भने २ जना घाईते भएका छन् । ठक्करबाट नौवस्ता ७ सुतैयाका ३८ बर्षीय भक्त बहादुर विकको उपचारको क्रममा मेडिकल कलेज कोहलपुरमा मृत्यु भएको हो । दुर्घटनामा परि घाईते भएका २१ बर्षीया खुमा राना र १७ बर्षीय विवेक मल्लको सोही अस्पतालमा उपचार भईरहेको छ । चिसापानी बाट कोहलपुर तर्फ जादै गरेको भे १ ज ३८६ नम्बरको जिपले पैदलयात्री तिनै जनालाई ठक्कर दिएको थियो । यसैविच धादिङगको बाउनथानमा ट्रिपर दुर्घटना हुंदा १ बालकको मृत्यु भएको छ भने ५ जना गम्भिर घाईते भएका छन् । त्रिभुवन राजपथमा ढुङगालोड गरि नौबिसे तर्फ आउदै गरेको बा २ ख ४९ ९३ नम्बरको ट्रिपर सडक छेउमा पल्टदा ट्िरपरमा सवार ८ बर्षीय बालक भुपेन तामाङगको मृत्यु भएको हो ।
