चैत २१, काठमाण्डौ–समाजका विभिन्न क्षेत्रमा उल्लेख्य योगदान पुर्याउने १३ जना व्यत्तित्वहरुलाई ‘आमा सम्मान’ प्रदान गरिएको छ । आज राष्ट्रपति भवन शीतल निवासमा भएको कार्यक्रममा राष्ट्रपति डा. रामवरण यादवले विभिन्न क्षेत्रमा विशिष्ट योगदान पुर्याउने १३ जनालाई आमा सम्मान प्रदान गर्नुभएको हो । महिला अध्ययन केन्द्रले गरेको कार्यक्रममा राजनीतितर्फ स्वर्गीय मंगलादेवी सिंहलाई मरणोपान्त तथा गौरा प्रसाइ र नानीमैया नकर्मीलाई सम्मान गरिएको छ । यस्तै, समाजिक, सास्कृतिक, साहित्यिक, पत्रकारिता, स्वास्थ्य र दलित आन्दोलनका क्षेत्रमा उल्लेख्य योगदान गरे बापत मैयादेवी श्रेष्ठ, डा. मीना आचार्य, सियावती राम, भैरव रिसाल, महेश चोधरी, कुन्ता शर्मा, गोविन्द ज्ञवाली र डा. जगदीश अग्रवालालाई सम्मान गरिएको छ । उनीहरुलाई राष्ट्रपति रापवरण यादवले ताम्रपत्रसहित दोसल्ला ओढाएर सम्मान गर्नुभएको थियो ।
Fri, 24 March, 2023 | २०७९ चैत १० गते 
