मन्त्रीमण्डल बिस्तारको तयारी

चैत २१, काठमाण्डौ – प्रधानमन्त्री सुशील कोईरालाले आज मन्त्रीमण्डल बिस्तारको तयारी गर्नुभएको छ । राष्ट्रिय प्रजातन्त्र पार्टी र नेकपा मालेले पार्टिबाट मन्त्रीहुनेहरुको नाम प्रधानमन्त्री कोईरालालाई आज बुझाउने बताएपछि प्रधानमन्त्री कोईरालाले उनीहरुलाई सपथ गराउने तयारी गर्नुभएको प्रधानमन्त्री कार्यालय श्रोतले जनाएको छ । राप्रपालाई आपुर्ति मन्त्रालय र एक राज्यमन्त्री दिने सहमति भएको छ भने मालेलाई महिला तथा समाज कल्याण मन्त्रालय दिने सहमति भएको छ । श्रोतका अनुसार राप्रपाले मन्त्रीमा सुनिल थापा र राज्यमन्त्रीमा गिरिबहादुर केसिको नाम शिफारिस गर्ने तयारी गरेको छ । नेकपा मालेले भने महासचिव सिपी मैनालीकी पत्नी सिता खड्काको नाम पठाउने तयारी गेरेको छ ।