चैत ७, काठमाडौं– कृकेट जगतलाई आफ्नो छुट्टै पहिचान दिई बंगलादेशमा जारि ट्वान्टी–ट्वान्टी विश्वकप कृकेट खेलेर नेपाली कृकेट टोली आज स्वदेश फर्किदैछ । निकै उत्साहजनक प्रदर्शन गरेको नेपाली टोली दिउँसोसम्म २ बजे काठमाडौं आइपुग्ने नेपाल कृकेट संघ (क्यान)ले जनाएको छ । जारी ट्वान्टी–ट्वान्टी विश्वकप कृकेटमा नेपालले आफ्नो दुई खेल जितेको छ भने एउटामा सम्मानजनक हार बेहोरेको थियो । आफ्नो पहिलो खेलमा हंककङलाई ८० रनको फराकिलो अन्तरले हराएको नेपाली कृकेट टोलीले आफ्नो दोस्रो खेलमा हिजो अफगानिस्तानलाई ९ रनले हरायो । प्रतियोगिताको दुई खेल जितेपनि रनरेटको आधारमा नेपाल अघिल्लो चरण प्रवेशबाट चुकेको छ । पहिलो पटक ट्वान्टी–ट्वान्टी विश्वकप कृकेटमा सहभागी नेपाली टोलीले निकै उत्साहजनक खेल खेल्दै नेपालको नाम विश्वसामु चिनाएर नेपालीसामु खुसीयाली छरेको छ । गर्भिलो इतिहास रचेर स्वदेश फर्किन लागेको नेपाली टोलीलाई थुर्पै संघसंस्था,ब्यतmीहरुको पुरस्कार दिने घोषणा गरेका छन् । टोलीलाई नेपाल कृकेट संघ क्यानले राजधानीमा भव्य स्वागत गर्ने तयारी गरिरहेको । संघले आज नगर परिक्रमा सहित अन्य स्वागतका कार्यक्रमको आयोजना गर्दैछ ।
