एसिया दलित अधिकार मञ्च गठन

फागुन १५, काडमान्डौ– एसियाका विभिन्न देशमा जातीय भेदभाव र छुवाछुत विरुद्ध सकृय अधिकारकर्मीहरुको पहलमा एसिया दलित अधिकार मञ्च (एसिया दलित राईटस् फोरम) गठन गरिएको छ । काठमाण्डौंमा यही फागुन १४ र १५ गते सञ्चालन भएको वैठकले भारतका पावल दिवाकरको नेतृत्वमा ११ सदस्य कार्य समिति गठन गरेको हो । मञ्चको उपाध्यक्षमा नेपालका दुर्गा सोब चयन हुनुभएको छ भने कार्य समितिका अन्य सदस्यहरुमा नेपालबाट भक्त विश्वकर्मा, भारतबाट आशा कोटल र मञ्जुला प्रदिप, बंगलादेशबाट मोनी रानी र जाकिर हुसेन, पाकिस्तानबाट सोनो खङघरानी, श्रीलंकाबाट सिवा गायत चयन हुनुभएको छ ।
मञ्चको संस्थापक सदस्यहरुमा नेपालका तर्फबाट जागरण्ँ मिडिया सेन्टरका अध्यक्ष रेमबहादुर वि.क., समता फाउन्डेशनका अध्यक्ष पदम सुन्दास, नेपाल राष्ट«िय दलित समाज कल्याण्ँ संघका राष्ट«िय अध्यक्ष भक्त विश्वकर्मा, दलित महिला संघका अध्यक्ष दुर्गा सोब, दलित गैरसरकारी संस्था महासंघका अध्यक्ष गजाधर सुनार र राष्ट«िय दलित नेटवर्कका अध्यक्ष गणेश विश्वकर्मा रहनुभएको छ । यसैगरि भारतको एन. सि. डि. एच. आर.बाट आशा कोटल, पावल दिवाकर, नवसर्जनबाट मञ्जुला प्रदिप, बंगलादेशको नागरिक उद्योगबाट जाकिर हुसेन, पाकिस्तानको दलित सोलिडारिटी नेटवर्कबाट सोनो खङघरानी, श्रीलंकाको ह्युमन डेभलपमेन्ट अर्गनाइजेशनबाट लगेश्वरी पोन्निह लगायत संस्थापक सदस्यहरु रहनुभएको छ । विशेषत दक्षिण एसियामा कलंकको रुपमा रहेको जातीय भेदभाव तथा छुवाछुत अन्त्यका लागि सामूहिक अभियान स्वरुप मञ्च गठनको उदेश्य रहेको बताईएको छ ।