मनाङले लियो अग्रता

फागुन,९ काठमाडौं–शीर्ष स्थानमा ४ अंकको अग्रता सहिद स्मारक ए डिभिजन लिग फुटबलको सुपरसिक्स राउण्डमा मनाङ मस्र्याङ्दीले संकटाबिरुद्ध २–० को जीत निकालेको छ । शुक्रबार सम्पन्न खेलमा मनाङले संकटाबिरुद्ध जीत निकाल्दै शीर्षस्थानको अंक दुरी चार अंकले बढाएको छ । शुक्रबारको जीत संगै मनाङले उपाधि होडलाई सहज बनाएको छ । मनाङलाई पछ्याएको मच्छिन्द्र क्लबको भने २८ अंक छ । त्रिपुरेश्वरस्थित दशरथ रंगशालामा भएको खेलमा संकटाले मनाङलाई पहिलो हाफ सम्म गोलरहित बराबरीमा रोकेको थियो । खेलको ४८ औं मिनेटमा अनिल गुरुङले गोल गर्दै मनाङलाई सुरुवाती अग्रता दिलाए । त्यसको दुई मिनेटमा योना इलियासले गोल गरेपछि मनाङ २–० को अग्रता लिन सफल भएको हो