प्राधिकरण बितरण केन्द्रमा सिसि क्यामेरा जडान हुने

फागुन १, कपिलबस्तु– काममा ढिला सुस्ती हटाउन र ग्राहकलाई छिटो छरितो सेवा प्रदान गर्नका लागि नेपाल विद्युत प्राधिकरण तौलिहवा वितरण केन्द्रमा सिसि क्यामेरा जडान गरिने भएको छ । प्राधिकरणमा तीन वटा क्यामरा जडान गर्न लागिएको हो । फागुन पहिलो साता भित्र ३ वटा क्यामरा जडान गर्ने तयारी गरिएको प्राधिकरण तौलिहवा शाखाका प्रमुख राजेन्द्र श्रीवास्तवले बताए । उनका अनुसार महसुल काउन्टर, भवनको मुख्य गेट र कार्यालय प्रमुखको कक्षमा सिसि क्यामेरा जडान गरिनेछ । ग्राहकबाट निरन्तर गुनासाहरु आइरहेकोले त्यसको समाधानका लागि सिसि क्यामेरा जडान गर्न लागिएको शाखाका प्रमुख श्रीवास्तवको भनाई छ ।