असोज ४, काठमाडौँ -नेकपाको सचिवालय बैठक भोली बस्नेगरी सकिएको छ ।
पार्टी एकतापछि पहिलोपटक पेरिसडाँडामा बसेको बैठकमा मन्त्री हेरफेर देखि संवैधानिक तथा राजनीतिक नियुक्तिका विषयमा छलफल गर्दै सकिएको हो ।
बैठकपछि पत्रकारसँग कुराकानी गर्दै प्रवक्ता नारायणकाजी श्रेष्ठले मन्त्रीहरु हेरफेर गर्ने एजेन्डामाथि छलफल भएको बताए ।
उनका अनुसार आइतबार पेरिसडाँडामा बसेको सचिवालय बैठकमा मन्त्रिपरिषद पुनर्गठनबारे छलफल भएको थियो ।
कसलाई हटाउने भन्ने बारे छलफल नभएको उनले जानकारी दिए ।
आइतबारको सचिवालय बैठकमा चार एजेन्डा छलफलका लागि पेश गरिएको थियो। स्थायी कमिटी बैठकको निर्णय र निष्कर्षलाई कार्यान्वयन गर्न सचिवालय बैठक बसेको श्रेष्ठको भनाइ छ ।
बैठकमा संवैधानिक तथा राजनीतिक नियुक्तिको एजेन्डा पनि छलफलका लागि पेश भएका छन्। सचिवालय बैठक सोमबार पनि पेरिसडाँडामा बस्नेछ।