असोज ७, काठमाडौं —मालपोत कार्यालय कलंकीका खरिदार रामहरि सुवेदीले सोमबार बेलुका आत्महत्या गरेका छन् ।सेवाग्राहीबाट एक हजार घुस लिएको आरोपसहित अख्तियारले उनलाई पक्राउ गरेको थियो ।
१० दिन अघि मात्र हिरासतमुक्त भएका उनी अख्तियारको हिसारतमा २२ दिन बसेका छन् ।
सेवाग्राही कृष्णप्रसाद घिमिरेसँग सुवेदीले एक हजार घुस लिएको अख्तियारले निष्कर्ष निकालेको थियो ।
उनी विरुद्ध काठमाडौंको विशेष अदालतमा दायर भएको मुद्दामा पनि भ्रष्टाचार निवारण ऐन २०५९ को दफा ३ को उपदफा ३ अनुसार एक हजार बिगो माग दाबी गरिएको थियो ।
उनले डिप्रेसनको औषधि पनि सेवन गरिरहेको थिए ।