असोज ३,काठमाडौं— संविधान तथा राष्ट्रिय दिवसको अवसरमा संसारकै अग्लो भवन बुर्ज खलिफामा नेपाली झण्डा झिलिमिली हुने भएको छ ।
शुक्रवार राति स्थानीय समय अनुसार ९ बजेर १० मिनेट जाँदा संयुक्त अरब इमिरेट्स (युएइ)को अबुधाबीस्थित नेपाली दूतावासले प्रोजेक्टरमार्फत नेपाली झण्डा झिलिमिली पार्ने बताएको छ ।यसरी नेपाली झण्डा झिलिमिली गराएर युएईले दुई देशबीच भाइचाराको सन्देश दिन खोजेको हो ।
यसअघि युएईले भारत, पाकिस्तान लगायतका अन्य देशहरूको स्वतन्त्रता दिवसका दिन बुर्ज खलिफामा झण्डा झिलिमिली गर्ने गरेको थियो ।