काठमाडौ —पछिल्लो केही दिनयता बक्स अफिस प्रणाली लागु हुने भनिएदेखि सिनेजगतमा एक किसिमको तंरगनै पैदा गरेको छ। यसैक्रममा निर्माता, लेखक, तथा कलाकार दिपकराज गिरीले बिहीबार बिहान एक स्टाटस लेखेका थिए । दीपकले लेखेका स्टाटसमाथि क्युुएफएक्सका सञ्चालक भाष्कर ढुगााना बिरोधमा उत्रिएका छन । फेसकबुकमै उनीहरुको भनाभन चलेको छ ।
दीपकराज— फिल्म चलेपछि निर्माताको हातमा आउनुपथ्र्यो शेयर तर आउँछ बिरालो । अब यो सिन्डिकेट विरुद्ध
भास्कर— तपाईले गरेको व्यापारिक सम्झौता अनुसार तपाइलाई कसैले सेयर दिएको छैन भने तपाईँ पुलिस प्रशासन कहाँ जान सक्नु हुन्छ । होइन भने यस्तो अप्रकट र हल्का विचार राखेर प्रदर्शक साथीहरूलाई अपमान नगर्नु भन्ने मेरो आग्रह ।
दीपकराज— बिचारको लागि धन्यवाद सर । एक त यहाँ प्रदर्शक साथीहरूको कहीँ कतै नाम उल्लेख गरिएको छैन । हिजो हजुर बुवाले बिरालो बाँधेको कागजमा मैले त हस्ताक्षर गरेँ होला । मेरो भावी पुस्ताले नगर्न सक्छ । आफूले पाउँदै आएको कुरा अव्यवहारिक छ भन्दा हलुका नलाग्नु पर्ने ।
भास्कर— सर तपाई अभिनय त राम्रो गर्नु हुन्छ, तर तर्क चाहिँ दिनु हुन्न । तपाईँ भिक्टिम हो भने किन हो भनेर खुलाउनु न । कहाँ भयो तपाइलाई अन्याय ? के कारणले तपाईँ वा तपाइका साथीहरूले बडी सेयर पाउनु पर्ने ? तपाईँ हिट भएर धेरै व्यापार ल्यानु भएकोले ? तपाइले अरू भन्दा बढी लगानी गर्नु भएकोले ? तपाइले बडी जोखिम लिएर पृथक् फिल्म बनाउनु भएकोले ? केही त होला नि तर्क ? वा क्युएफएक्स ले बढी पैसा कमायो त्यसको खास आधार नै छैन भने पनि हुन्छ । म रिसाउँदिन । तर केही न केही तर्क त चाहियो नि हैन ?
दीपकराज— यहाँ नेर त्राह भन्ने शब्द सरले नलेख्नु भएको भए हुन्थ्यो सम्पूर्ण मल्टीप्लेक्स र सिगंल थिएटरकै कुरा गर्दैछु । परम्परागत कुरै ठिक छ भन्ने भ्रम बाट हजुरहरू र हामीहरू दुवै मुक्त हुनु पर्छ । अब त हुँदा हँदा केही सिगंल थिएटरले पनि हलमा सुधार नगरी ५०, ४०, ३० प्रतिशतको प्रणालीको सिको गर्न थालेका छन् । जबकि सम्झैता ५०(५० प्रतिशतको थियो । मेरो स्पष्ट बिचार चलचित्र हाउसफुल वा अकुपेन्सी कायम हुन्जेल ५०(५० र अकुपेन्सी कमजोर हुन थाले हल हललाई घाटा हुने अबस्थामा५५(४५ ५ कायम गर्ने । त्यो पनि भएन कमजोर फिल्म लाई हटाइदिने । यो व्यवहारिक हुन्छ भन्ने हाम्रो भनाइ हो ।
भास्कर—संसार भरि सिनेमा व्यापारको सेयर बाँडफाँडको आधारहरू हुन्छ । यसमा सबै हल वा निर्माता हरूले आफ्नो तर्क राख्लान । हाम्रो पनि छन् । सबै पर्मुला सबैको लागि नमिल्न पनि सक्छ तर यहाँ सहजताक लागि, सानो हलको पनि शोषण नहोस्, सानो निर्माताको पनि शोषण नहोस् भनेर दुईवटा संघहरुले दबकष्अ अबचतभ िरुल बनाएको छ । त्यो समय सापेक्षित छैन भन्ने र यसको समय समयमा रिभ्यु हुनु पर्छ भन्नु कुरा ठिकै हो । नयाँ आधार समय समय मा बनाएर जानु पर्छ म तपाइको यो कुरामा सहमत छु । मा यो पनि कुरामा सहमत छु कि धेरै व्यापार ल्याउने, गराउने व्यवासाहीहरु पुरस्कृत हुन पर्छ । यो आधार को एउटा खम्बा हो भने तपाईँ आफ्नो तर्क राख्नुहोस् हामी आफ्नो तर्क । हामीलाई पनि हामीले लिएको रिस्क अनुसार र हामीले दिएको व्यापार अनुसार तपाईँले पाएको तपाइको रिस्क रिर्टनको अनुपातमा रिटर्न नआएको जस्तो लाग्छ । हामी पनि त्यसको तर्क राख्छौ, तपाईँ पनि राख्नुहोस् । कि हाम्रो सेयर बढ्छ कि तपाईँको बसेर कुरा गरौँ । तर म मात्रै भिक्टिम अरू सबै चोर भन्ने तपाईँको यो घुमाउँरो अभिव्यक्ति, न तर्कसम्मत छ, न तपाइको वदा निर्मातालाई सुहाउने ।
दीपकराज— सरको पछिल्लो भनाई मै समाधान छ । हामी दुवै केही बेरको बिचार विमर्शमै करिब करिब एकै बिन्दुमा पुग्यौँ । यही उपाय नै अन्तिम उपाय हो । सरको स्ट्याटसको पछिल्लो लाइन चाहिँ अन्यथा नलिइ मलाइ गरिएको मायाको रूपमा मात्रै लिएको छु । मायालाई फिल गर्ने हो तर्क गर्ने होइन ।