फागुन २८,काठमाडौं – होलीको दिन तीव्र गतिमा सवारी हाँक्दै हुनुहुन्छ ? सावधान!
ट्राफिक प्रहरी सडकमा ‘राडर गन’ लिएर उत्रिएका हुनेछन्। सडकमा निश्चित दुरीभन्दा बढी गतिमा गाडी हाँके तपाईं कारबाहीमा पर्नुहुनेछ।यो खबर हामीले आजको अन्नपूर्णबाट लिएका हौ।
ट्राफिक प्रहरीले दुर्घटना न्यूनीकरणका लागि सडकमा व्यापक सुरक्षा जाँच विन्दु राखेर सवारी चालकमाथि निगरानी राख्ने भएको छ। होलीमा मादक पदार्थ सेवन गरेर तीव्र गतिमा सवारी चलाउने प्रवृत्ति बढेपछि ट्राफिक प्रहरीले कडाई गर्न लागेको हो।
सवारी तीव्र गतिमा हाँक्ने, क्षमताभन्दा बढी हाँक्ने, हेल्मेट नलगाइ चलाउने र इच्छाविना रंग, लोला हान्नेजस्ता प्रवृत्ति रोक्न प्रहरीले विशेष निगरानी गर्ने भएको हो ।
होलीका लागि मात्र राजधानीमा एक हजार प्रहरी परिचालित हुने जानकारी महानगरीय प्रहरी परिसरका प्रवक्ता एसपी प्रद्युम्न कार्कीले दिए ।
महाशाखाका अनुसार यो वर्ष होलीमा मादक पदार्थ सेवन गरेर सवारी चलाउनेलाई पूर्ण निषेध गर्ने, लापरवाहीसाथ चलाउने तिब्र गतिमा हाँक्नेलाई कारबाहीको दायरामा ल्याउने भएको छ।
होलीको दिन तीव्र गतिमा सवारी हाँक्दै हुनुहुन्छ ? सावधान! ट्राफिक प्रहरीले गनले हान्ने छ
![](https://www.emailkhabar.com/wp-content/uploads/2016/01/Traffic-Checking.jpg)