एजेन्सी– उत्तर कोरियाले दक्षिण कोरियाको राष्ट्रपति भवनमा हानेको भिडियो सार्वजनिक गरेको छ। उत्तरले दक्षिणको राष्ट्रति भवनमा रकेट हानेको सो भिडियो सार्वजनिक गरेको हो।
उत्तर कोरियाको सरकारी वेवसाइटमा उसले दक्षिण कोरियाको राष्ट्रपतिको कार्यालय, ब्ल्यु हाउसमा रकेट हानेको सो भिडियो राखेको छ।
उत्तर कोरियाको सरकारी वेवसाइटमा यो भिडियो मङ्गलबार राखिएको हो। भिडियोमा उत्तर कोरियाका तर्फबाट पटक(पटक दक्षिण कोरियाको राष्ट्रपति कार्यालयमा रकेट हमला गरेको देखाइएको छ।
यसअघि पनि उत्तर कोरियाले वासिङ्टनमा यसैगरी रकेट हानेको भिडियो सो वेवसाइटमा राखिएको थियो। उत्तरले पछिल्लो समयमा गरेका यी क्रियाकलापहरुलाई उत्तेजनात्मक भनी विश्वव्यापी रुपमा विरोध गरिएको छ।
यसैबीच प्राप्त अर्को एक समाचारमा दक्षिण कोरियाली गुप्तचर निकायले उत्तरले आफ्ना महत्वपूर्ण सरकारी अधिकारीको फोन ह्याक गरिदिएको बताएका छन्।
यसअघि पनि उसले पटकपटक उत्तर कोरियाले साइबर हमला गर्ने गरेको र यस पटक आफ्ना महत्वपूर्ण र उच्च पदस्थ सरकारी कर्मचारीको मोबाइल फोन नै ह्याक गरिदिएको जनाइएको छ।
दक्षिण कोरियाका महत्वपूर्ण सरकारी अधिकारीका मोबाइल फोनहरु उत्तर कोरियाले ह्याक गरिदिएको उनीहरुको भनाइ छ।
दक्षिणको गुप्तचर निकायले उत्तरले विगत लामो समयदेखिदक्षिण कोरियाको सूचना प्रविधिमा हमला गर्ने गरेको आरोप लगाएको छ।
गएको ६ फेब्रुअरीमा उत्तर कोरियाले लामो दूरीको रकेट परीक्षण गरेपछि सुरु भएको विवाद हाल विश्वव्यापी बनेको छ। यसका कारण दक्षिण कोरिया, जापान र संयुक्त राज्य अमेरिका एक भएका छन् र उनीहरुले उत्तर कोरिया विरुद्धको नाकाबन्दीका लागि संयुक्त राष्ट्रसङ्घलाई सघाएका थिए।
उत्तर कोरियाले पछिल्लो समयमा गरेको आणविक परीक्षणपछि उसले दक्षिण कोरियामाथि निरन्तररुपमा साइबर हमला गर्दै आएको पनि बताएको छ।
दक्षिण कोरियाको गुप्तचर निकाय नेसनल इन्टेलिजेन्स सर्भिस ९एनआइएस०ले उत्तर कोरियाले दक्षिण कोरियाका महत्वपूर्ण सरकारी अधिकारीको फोन नम्बर चोरेर लगेको र यसबाटै उनीहरुले नियन्त्रण गरी फोन बिगारिदिएको जनाएको छ।