बैशाख ३, काठमाण्डौ –नयाँ दिल्लीमा उपचार गर्दागर्दै निधन भएका वरिष्ठ राजनीतिज्ञ तथा पूर्व प्रधानमन्त्री सूर्यबहादुर थापाको पाथिर्थ शरीर काठमाडौं ल्याईदै छ । गत चैत १६ गते उपचारका लागि भारतको नयाँदिल्लीस्थित मेदान्त अस्पतालमा भर्ना गरिएका थापाको गए राती ८८ बर्षको उमेरमा निधन भएको हो ।
मेदान्त अस्पतालका वरिष्ठ सर्जन आदर्श चौधरीले नेतृत्व गरेको डाक्टरहरुको टोलीले थापाको आन्द्राको सल्यक्रिया गरेको थियो । उपचारकै क्रममा निधन भएका थापाको शव विहीबार काठमाडौं ल्याईदैछ । धनकुटा जिल्लाको मुगा गाविसमा सन् १९२८ मार्च २१ मा जन्मेका सूर्यबहादुर थापा राजा महेन्द्रको शासनकालमा २०२२ देखि २६ सालसम्म, राजा वीरेन्द्रका पालामा २०३५ देखि २०३८ सम्म र २०३८ देखि २०४० सालसम्म तथा राजा ज्ञानेन्द्रका पालामा २०५९ देखि २०६० सम्म तथा नेपाली कांग्रेसको समर्थनमा २०५४ देखि २०५५ सालसम्म गरि पाँचपल्ट प्रधानमन्त्री हुनुहुन्थ्यो ।
नेपालको राजनीतिमा अरुभन्दा परिपक्व खेलाडी मानिने थापाको राजनीतिक जीवन भने नेपाली कांग्रेस पार्टीबाट शुरु भएको थियो । जनमत संग्रहमा पञ्चायत जिताएर र आफ्नै गृह जिल्ला खोकु छिन्तांगमा भएको हत्याकाण्डपछि नेपालको राजनीतिमा थापाको छवि सधै विवादास्पद रह्यो । पूर्व प्रधानमन्त्री थापाका छोरा सुनिल थापा हाल वाणिज्यमन्त्री हुनुहुन्छ ।
यसैविच थापाको निधन पछि शोकमा डुबेको राष्टिय प्रजातन्त्र पाट्रिको आकस्मीक बैठक बोलाईएको छ । बैठक अहिले केहिबेरमा पार्टीकार्यलयमा बस्ने भएको छ ।