माथिल्लो सदन सिनेटका लागि एक तिहाई सिट र तल्लो लदन हाउस अफ रिप्रिजिन्टेटिभका सबै ४३५ सिट तथा ३६ राज्यमा गभर्नरका लागि अमेरिकामा चुनाव भएको हो।
ओबामाको लोकप्रियता घट्यो
पछिल्ला दिनमा अमेरिकी राष्ट्रपति बाराक ओबामाको लोकप्रियता घटेको छ। अमेरिकी अर्थतन्त्रमा सुधारका बाबजुद मध्यावधि चुनावमा डेमोक्रयाट्सको हार हुने विश्लेषकहरुले बताएका छन्।
रिपब्लिकन पार्टीका सिनेटर तथा २०१६ का लागि पार्टीका तर्फबाट राष्ट्रपतिका सम्भावित उम्मेदवार रेन्ड पउलले ‘यो चुनाव राष्ट्रपतिका लागि जनमत संग्रह भएको बताएका छन्।’
रिपब्लिकनले जिते के हुन्छ?
तल्लो सदनमा रिपब्लिकन पहिलैदेखि बहुमतमा छन्। शक्तिशाली सदन सिनेटमा समेत बहुमत हासिल भए आगामी दुई वर्षसम्म बाराक ओबामा नीतिगत निर्णय बदल्न उनीहरुलाई सहज हुनेछ।