इजरायलको आक्रमणमा ८७ जनाको मृत्यु

साउन ५, काठमाडौ–इजरायलको पछिल्लो आक्रमणमा गाजा पट्टिमा हिजो एकैदिन ८७ जनाको मृत्यु भएको छ । पछिल्लो पटक युद्ध सुरु भएको १३ औं दिन गाजा क्षेत्रका लागि अभिषाप सावित भएको अधिकारीहरुले जनाएका छन् । उक्त कार्वाहीमा १३ इजरायली सैनिक पनि मारिएका छन् । पछिल्लो कार्वाहीमा थुप्रै व्यक्ती घाईते भएको र उनीहरुलाई उपचारका लागि समस्य परिरहेको बताईएको छ । स्थानीय अस्पताल घाईतेहरुले भरिएपछि उपचारका लागि समस्या हुन थालेको हो । इजरायली सेनाले हमास बिद्रोही लक्षित कार्वाही गरिरहेको बताए पनि मारिनेमा अधिकांश सर्वसाधारण नागरिक र बालबालिका रहेको बिबिसीले जनाएको छ । हालसम्म इजरायली कार्वाहीमा साढे ४ सय प्यालेष्टाईनीको मृत्यु भईसकेको छ ।