जेठ २४,काठमाडौ– केहि दिनदेखि बढेको अत्याधिक गर्मीका कारण तराईका केहि जिल्लामा विद्यालय नै बन्द गर्नुपरेको छ भने गर्मीले महोत्तरीमा एकको मृत्यु भएको छ । बनौली दनौली गाविस–६ बस्ने वर्ष ६० को जीवन महराको अत्यधिक गर्मीका कारण मृत्यु भएको इलाका प्रहरी कार्यालय सहोडवाले जनाएको छ । एक सातादेखि बढेको अत्यधिक गर्मीका कारण महराको मृत्यु भएको भाइ छेदी महराले जानकारी दिनुभयो । उहााकाअनुसार गर्मीका कारण मुर्छित भई मुखबाट रगत निस्केर महराको मृत्यु भएको थियो । उता गर्मी बढ्दै गएपछि दमौली अस्पतालमा ज्वरो र झाडापखालाका बिरामीको सङ्ख्यामा वृद्धि भएको छ । जेठको पहिलो हप्ताबाट नै बिरामीको सङ्ख्या बढेको दमौली अस्पतालकी डा एन्जिला घिमिरेले बताउनुभयो । फोहोरमैला र दूषित पानीका कारण बिरामीको सङ्ख्या बढेको जानकारी उहााले दिनुभयो । दैनिक १२० देखि १५० जनासम्म बिरामी उपचारका लागि आउने गरेका छन् । अत्यधिक गर्मीका कारण कपिलबस्तुका निजी तथा आवासीय विद्यालय एक साताका लागि बन्द गरिएका छन् । जिल्लामा एक्कासी गर्मी बढेपछि विद्यार्थी तथा शिक्षक कक्षा कोठामै बेहोस हुन थालेपछि प्याब्सन तथा एनप्याब्सनले एक साताका लागि विद्यालय बन्द गर्ने निर्णय गरेको जनाएको छ । केही दिनदेखि बढेको अत्यधिक गर्मीका कारण बााके जिल्लाका संस्थागत तथा निजी विद्यालय एक साताका लागि बन्द हुने भएका छन् । प्याब्सन, एनप्याब्सन र क्रिसाको संयुक्त बैठकले आइतबारदेखि एक साताका लागि विद्यालय बन्द गर्ने निर्णय गरेको हो । नेपालगन्जमा दिन प्रतिदिन गर्मी बढ्दै गएपछि पठनपाठन तथा विद्यार्थीको स्वास्थ्यमा समस्या आउने भन्दै विद्यालय बन्द गर्नुपरेको प्याब्सनले जनाएको छ । बढी तापक्रमले बालबालिका बेहोस हुने, झाडापखाला, रक्तचाप, बढ्नेलगायत समस्या देखापरेपछि विद्यालय बन्द गर्नुपरेको बताईको छ ।
