वैशाख २०,काठमाडौ–आज विश्व प्रेस स्वतन्त्रता दिवस हो । नेपालमा पनि विभिन्न कार्यक्रम गरि मनाईदैछ । विश्वभर व्यावसायिक पत्रकारिता कि नैतिक पत्रकारिता भन्ने बहस चलिरहेको छ । यस बेला नेपालमा पनि यो दिवस मनाउन लागिएको हो । नेपालमा विश्व प्रेस स्वतन्त्रता दिवस मनाउन थालेको डेढ दशक वितिसकेको छ । संयुक्त राष्ट्रसंघको आब्हानमा यो दिवस विश्वभर मनाउने गरिन्छ । नेपालमा विश्व प्रेस स्वतन्त्रताको अवसर पारेर राजधानीमा विहान प्रभात फेरिको आयोजना गरिएको छ । नेपाल पत्रकार महासंघको नेतृत्वमा प्रभात फेरि आयोजना गरिएको हो । काठमाडौंको भृकुटीमण्डपबाट प्रभात फेरि सुरुवात गरिएको थियो ।
