पहिलो महाकुम्भ स्नान

चैत्र २१, सुनसरी–प्राचीन हरिद्वार सुनसरी बराह क्षेत्रको चतराधाममा हिन्दू धार्मिक परम्पराअनुसार लागिरहेको दोस्रो पूर्ण कुम्भ महोत्सवका क्रममा आज पहिलो शाही कुम्भ महास्नान (चैत्र शुक्ल पञ्चमी) सम्पन्न भएको छ । नेपालका प्रथम जगतगुरु बालसन्त मोहनशरण देवाचार्य, आयुर्वेदाचार्य डा कृष्णदासजी महाराज, मन्त्रिपरिषद्का पूर्व अध्यक्ष खिलराज रेग्मी, राष्ट्रिय प्रजातन्त्र पार्टीका अध्यक्ष कमल थापा तथा सभासद् रामकुमार सुब्बा एवम साधु सन्त योगी तपस्वीलगायतले संयुक्त स्नान गरी सोको शुभारम्भ गर्नु भएको थियो । सुनसरी जिल्लाको बराहक्षेत्रस्थित कोसी तथा कोका नदीको सङ्गमस्थलमा वैद्धिक परम्पराअनुसार पूजापाठसहित धार्मिक मन्त्रोच्चारण एवम् पूजन गरेर दोस्रो कुम्भ महास्नानलाई वैदिकता प्रदान गरिएको थियो । त्यसअघि कुम्भस्थलमा राप्रपा नेपालका अध्यक्ष थापाले नेपाल सनातन धार्मिक संस्कार भएको मानिसको बसोवास गरहेको तीर्थ भूमि रहेकाले यहाा हिन्दू, बुद्ध तथा अन्य धर्म मान्ने कसैले कसैको आस्था र धर्ममाथि प्रहार नगरेको बताउनुभयो ।