त्रिशुलीमा बस खस्दा ५ जनाको ज्यान गयो

चैत, १० काठमाडौं – काठमाडौबाट धनकुटाका लागि छुटेको बस त्रिशुली नदीमा खस्दा पाँच जनाले ज्यान गुमाएका छन । धनकुटा हिलेका लागि छुटेको ना ४ ख ५८२९ नम्बरको बस हिजो साँझ नौविसे सडकखण्ड अन्तर्गत चितवनको दारेचोक ९ फिस्लिङ भन्ने स्थानबाट त्रिशुली नदीमा खस्दा दुर्घटना भएको हो । र्दुघटनामा परि अन्य १८ जना घाइते भएका छन् भने ३ जनाको अवस्था गम्भिर रहेको प्रहरीले जनाएको छ । साँझ करिब सवा आठ बजेतिर दुर्घटना भएकाले दुर्घटनाको कारण खुल्न सकेको छैन् । र्दुघटनामा परि ज्यान गुमाउने सनाखत हुन सकेको छैन् । शव पोष्टमार्टमका लागि जिल्ला अस्पतालमा राखिएको छ । बस सडकबाट करिब दुई सय मिटर तल बस खसेको थियो ।