असोज, १५ काठमाडौं । कांग्रेसले सोमबारसम्म प्रत्यक्षतर्फका करिब ६० जिल्लाको उम्मेदवार टुंग्याएको छ । केही जिल्लाका निर्वाचन क्षेत्रको विवाद अझै टुंगिएको छैन । कसलाई उम्मेदवार बनाउने भन्ने विषयमा कतिपय निर्वाचन क्षेत्रमा विवाद हुँदा अन्य जिल्लाको निर्णय लिनसमेत ढिलाइ भएको छ ।
धनुषा ४ मा राष्ट्रपति रामवरण यादवका छोरा चन्द्रमोहनलाई उम्मेदवार बनाउने कि नबनाउने भन्नेबारे बैठकमा निकैबेर विवाद चलेको थियो । धनुषाका कार्यकर्ताले उक्त निर्वाचन क्षेत्रमा महेन्द्र यादवलाई उम्मेदवार बनाउनुपर्ने माग राख्दै कांग्रेस कार्यालय घेरेका थिए । उनीहरूले दबाबमा टिकट दिइन लागेको भन्दै उनीहरूले राष्ट्रपतिविरुद्ध समेत नाराबाजी गरेका थिए । त्यस्तै बारा, तनहुँ, स्याङ्जा १, गुल्मी, कञ्चनपुर, बैतडी, नुवाकोट, बाँकेलगायत जिल्लामा निर्णय हुन सकेको छैन । विवादकै कारण ढिलाइ भएपछि हिमाली र उच्च पहाडी जिल्लाका निर्वाचन क्षेत्रका उम्मेदवारहरूलाई मंगलबार बिहान चिठी बुझ्न बोलाइएको छ । असोज १७ गते प्रत्यक्षतर्फको मनोनयन गर्न सदरमुकाम जानुपर्ने भएकाले हिमाली र पहाडी जिल्लाका उम्मेदवारलाई बिहान ६ बजेदेखि नै चिठी दिन लागिएको हो ।
त्यसअघि कांग्रेस महामन्त्री कृष्णप्रसाद सिटौलाले प्रत्यक्षतर्फका २ सय ४० निर्वाचन क्षेत्रकै उम्मेदवारको सूची सोमबार सार्वजनिक गरिने बताएका थिए । तर, नभ्याइएपछि नियमित रूपमा गर्दै आएको पत्रकार सम्मेलनसमेत हुन सकेन । तराई र पहाडका कतिपय जिल्लाको निर्वाचन क्षेत्रमा विवाद भएपछि बैठकसमेत प्रभावित भएको थियो ।
यसैबीच काठमाडौंको क्षेत्र नं ४ मा गगन थापाको साटो सुप्रभा घिमिरेलाई उम्मेदवार बनाउने चर्चा चलेको छ । गगनलाई नउठाउने कुराको फेसबुक र टि्वटरमा विरोध छाएको छ । बैठकमा समितिका सदस्य एवं महामन्त्री प्रकाशमान सिंहले महिला र निर्वाचित सांसद भएका आधारमा घिमिरेलाई उम्मेदवार बनाउनुपर्ने प्रस्ताव राखेका थिए । तर, थापालाई उम्मेदवार नबनाउँदा नकारात्मक सन्देश जाने भन्दै धेरैजसो सदस्यले विरोध जनाएका थिए । थापालाई क्षेत्रीय समितिले सर्वसम्मत रूपमा प्रत्यक्षको उम्मेदवारका लागि सिफारिस गरेको थियो भने घिमिरेलाई समानुपातिकमा सिफारिस गरिएको छ । थापाले प्रत्यक्षमा चुनाव लड्न नपाए समानुपातिकमा नबस्ने बताउँदै आएका छन् । उनले चुनाव लड्न नपाए पनि देशभर पार्टीलाई जिताउने अभियानमा खटिने बताएका छन् ।
काठमाडौंको निर्वाचन क्षेत्र नम्बर १ मा प्रकाशमान सिंह, ३ मा चक्र ठकुरी, ५ मा नरहरि आचार्य, ६ मा भीमसेनदास प्रधान, ८ मा नवीन्द्रराज जोशी, ९ मा ध्यानगोविन्द रञ्जित र १० मा राजन केसीलाई उम्मेदवार बनाउन समिति करिब निष्कर्षमा पुगेको छ ।
धनुषा, तनहुँ, लमजुङ, स्याङ्जा १, कञ्चनपुर, बैतडी, गुल्मीलगायत जिल्ला अझै टुंगिसकेको छैन । पार्टी कोषाध्यक्ष चित्रलेखा यादव र केन्द्रीय सदस्य प्रदिप गिरि प्रत्यक्षमा नउठ्ने भएका छन् । उनीहरूको नाम क्रमशः सिरहा २ र ६ बाट सिफारिस भएको थियो । केन्द्रीय सदस्य मिनेन्द्र रिजाल पनि समानुपातिकमा बसेका छन् ।
कांग्रेसमा ६० जिल्लाको तय
नवलपरासी
१- शशांक कोइराला
२- महेन्द्रध्वज जीसी
३- कृष्णचन्द्र नेपाली
४- देवेन्द्र कँडेल
५- विक्रम खनाल
६- देवकरण जैसवाल
कपिलवस्तु
१- दीपकुमार उपाध्याय
२- राजेश आचार्य
३- सुधाकर पाण्डे
४- सुरेन्द्र आचार्य
५- वीरेन्द्र कनौडिया
रूपन्देही
१- अब्दुल रजाक
२- रामकृष्ण ताम्राकार
३- बालकृष्ण खाँड
४- सूर्यप्रसाद प्रधान
५- भरत साह
६- अष्टभुज पाठक
७- दिनेश त्रिपाठी
मोरङ
१- आमोद उपाध्याय
२- शेखर थापा
३- दिलीप गच्छदार
४- गयानन्द मण्डल
५- अमृत अर्याल
६- महेश आचार्य
७- शेखर कोइराला
८- रमेशजंग रायमाझी
९- डिकबहादुर लिम्बु
मकवानपुर
१- इन्द्रबहादुर बानियाँ
२- जयराम लामिछाने
३- रघुरमण न्यौपाने
४- उमा दाहाल
कास्की
१- यज्ञ थापा
२- शारदा पौडेल
३- सोभियतबहादुर अधिकारी
४- महादेव गुरुङ
दाङ
१- शीला खड्का
२- सुशीला चौधरी
३- राजु खनाल
४- बुद्धिराम भण्डारी
५- दीपक गिरी
चितवन
१- राजेन्द्र बुर्लाकोटी
२- शेषनाथ अधिकारी
३- भीमबहादुर श्रेष्ठ
४- सुशील कोइराला
५- पृथ्वीमान गुरुङ
सुनसरी
१- चन्द्र श्रेष्ठ
२- बद्री चौधरी
३- गोमा पराजुली अन्सारी
४- सीताराम मेहता
५- जमिन अन्सारी
६- रामबहादुर बस्नेत
सिरहा
१- पद्मनारायण चौधरी
२- सूर्यनारायण यादव
३- सीतादेवी यादव
४- रामचन्द्र यादव
५- चन्द्रनारायण यादव
६- गणेश मण्डल
प्यूठान
१- हुकमबहादुर बिष्ट
२- देवराम पुन