फागुन २४, काठमाडौं – सामाजिक क्षेत्र, महिला सशक्तीकरण र शिक्षा क्षेत्रमा लामो समयदेखि सक्रिय बिना गुरुङले पहिलोपटक सङ्घीय संसद्मा प्रवेश गर्नुभएको छ । उनी प्रतिनिधिसभा सदस्यका लागि कास्की निर्वाचन क्षेत्र नं ३ मा प्रतिस्पर्धीलाई फराकिलो मतान्तरले जित हासिल गर्न सफल भए ।
प्रतिनिधिसभा सदस्यको निर्वाचनमा गुरुङ ३७ हजार ७५० मतसहित विजयी बन्नुुभएको छ भने उहाँका निकटतम प्रतिस्पर्धी कांग्रेसका मनोज गुुरुङले १२ हजार ७८० मत पाए । नेकपा (एमाले) का दामोदर बैरागीले सात हजार ९०६ मत पाउनुभयो । बैरागी यसअघि यसै निर्वाचन क्षेत्रबाट निर्वाचित भए । ।
सञ्जिवनी दिदीबहिनी केन्द्र नेपालको संस्थापक अध्यक्षसमेत रहेकी गुरुङ महिला दिदीबहिनीहरूको प्रेरणा स्रोत बन्दै आउनुभएको छ । महिला उद्यमशीलता प्रवर्द्धन, स्थानीय उत्पादनको बजारीकरण तथा समुदायमा सामाजिक अभियान सञ्चालनमा सक्रिय रहँदै राजनीतिक यात्रामा जोडिएका थिए।
श्रीमान्, एक छोरा एक छोरीका साथ पोखरा–५ मा बस्दै आउनुभएकी गुरुङ २०७२ सालको भूकम्प र कोभिड–१९ महामारीका बेला विभिन्न क्षेत्रमा राहत तथा स्वास्थ्य सामग्री वितरणमा सक्रिय रहेका थिए। विजयपछि कास्की–३ को समग्र विकास, सुशासन र जनताको अपेक्षाअनुसार काम गर्ने उनले व्यक्त गरे । पर्यटन , उद्यमशीलता, सहकारीपीडितको समस्या समाधान तथा पूर्वाधार विकासलाई प्राथमिकतामा राखेर काम गर्ने सांसद गुरुङले बताए
उनले भने, “म सामाजिक क्षेत्र र उद्यमशीलताको यात्राबाट राजनीतिमा आएकी छु, अब राजनीतिको यो नयाँ यात्रालाई पनि आफ्नो इमान्दारिता जनभावनाअनुरुप काम गर्नेछु ।”
सांसद गुरुङले जेनजी आन्दोलनको मर्मसहित जनताको यो विश्वास र जनमतलाई नतिजामा उतार्नका लागि नीतिगत तहमा आफ्नो भूमिका सशक्त गराउँदै लैजाने बताए।