साउन ११, काठमाडौं – चलचित्र ‘महानगर’ आगामी भदौ ८ गतेबाट प्रदर्शनमा आउने भएको छ । निर्माण टिमले फिल्मको पोस्टर सार्वजनिक गर्दै फिल्मको मितिबारे जानकारी गराएका हुन् । मोहन राईद्वारा निर्देशित फिल्म करिब ५ वर्ष अगाडि निर्माण भएको हो ।
माउन्टेन रिभर फिल्म गो विन् प्रोडक्सन्ससँगको सहकार्यमा मिडलवे फिल्म्सले निर्माण गरेको फिल्ममा अभिनेता कर्मा शाक्य, अभिनेत्री मेनुका प्रधान, अनोज पाण्डे, शोविता अधिकारी, जीवन बराल, परीक्षित विक्रम राणा, चन्द्र पाण्डेलगायतको पनि अभिनय छ ।
फिल्मको कार्यकारी निर्माता गोविन्द पराजुली र क्रियटिभ निर्माता नवनिधि दाहाल हुन् ।नरेन्द्र मैनालीको छायाङ्कन, परीक्षित झाको सम्पादन तथा पुष्पासंगमको संगीत फिल्ममा रहेको छ ।