सहायक प्रजिअलाई कोरोना भएपछि हुम्ला प्रशासनको सेवा बन्द

माघ १८, हुम्ला –  जिल्ला प्रशासन कार्यालयका सहायक प्रमुख जिल्ला अधिकारीलाई कोरोना संक्रमण देखिएपछि एक हप्ताका लागि सबै सेवा बन्द गरिएको छ।

सहायक प्रमुख जिल्ला अधिकारीलाई आइतबार बेलुका सामान्य टाउको दुख्न थालेपछि सहायक प्रमुख जिल्ला अधिकारी दशरथ राईले कोरोना परीक्षण गर्दा संक्रमण पुष्टि भएको जिल्ला अस्पताल सिमकोटले जनाएको छ।

सहायक प्रमुख जिल्ला अधिकारी राईलाई कोरोना देखिएपछि कार्यालयद्वारा प्रदान गरिँदै आएका सबै सेवा एक हप्ताका लागि सूचना टाँस गरि बन्द गरिएको जिल्ला प्रशासन कार्यालयले जानकारी दिएको छ।

प्रशासनले राहदानी नागरिकता, सिफारिस बाहेक अन्य सेवा प्रदान नगरिने जनाएको छ। सहायक प्रमुख जिल्ला अधिकारी राई हाल होम आइसोलेसनमा बसेको स्वास्थ्य सेवा कार्यालयका प्रमुख प्रेमबहादुर सिंहल बताए।